يطري عليه الوله

الاغنيه هذي لها احساس خندريسي عندي قلت لازم اسويلها توقيع يليق فيها

المسـباح (مشاعري وتصميمي)1

الحرب حربين

كلامك سليم يا اللميع على الحكومه بجميع اجهزتها القيام بدورها على اكمل وامثل وجه في انخاذ الاجراءات المناسبه الكفيله لحماية الوطن والمواطنين في ظل توتر الاوضاع الاقليميه في الخليج

لاكن يا اللميع اشلون اذا المواطنين بين حربين بنفس الوقت ؟؟

الحرب الاولى حرب الازاله اللي للحين شغاله وخلوا الديره جنه ضاربها زلزال

والحرب الثانيه الحرب الاقليميه المتوقعه

شلون بالله احنا نراقب جرافات الازاله ولا صواريخ الحرب الاقليميه ؟

تشتتونا جذي

شوارع متروسه انقاض دواوين وطابوق مكسر بالله ضرب صاروخ بيت احد المواطنين شلون تنقذونه؟

ازدحام وارصفه مسكره بأنقاض الدواوين شنسوي بالله

اذا جذي البلديه ماتبي تشيل الانقاض اللي سببوها من الدواوين وفروا حق كل عائله هيلاكبتر على شان اذا حاش بيته صاروخ ولا شي وبينفقذ احد افراد الاسره يركب الهيلاكبتر ويطير اذا بسياره ماراح يوصل المستشفى ازحاد مرور واذا بيطق رصيف الانقاض مسكره الشوراع

شوفولكم حل

سكاريب

يافشلتنا طياراتنا الخاصه سكاريب

اذا هذي طيارات شيوخنا عيل شلون طياراتنا اللي كل يوم سردادي مردادي العالم عليها؟؟

الشيخ ناصر المحمد رجع بطياره عاديه والشيخ صباح الخالد مالقا طياره

زين مارجع بكرنك

لابس فشله وين يرجع بكرنك الكرنك محطته درعا جليب الشيوخ مو حلوه باجر الشيخ صباح الخالد منزله الكرنك عند دوار

المطافي بالجليب

(طياراتنا من السبيعينات ماتغيرت والمليارات تطلع سنوياً برى الكويت للحين مو راضين تغيرون الاسطول الجوي؟ )

مشروع تجاري

السلام عليكم ورحمة الله وبركاته

شخباركم شلونك

يا جماعه اليوم جايبكم مشروع شغل عدل

مشروع تجاري يكسب ذهب

قولولي شنو المشروع ؟

المشروع مزرعة ارانب

هااااااااااا بتقولولي شلون ؟؟؟

انا اقولكم شلون

نفرض فرضيه بسيطه

اننا حطينا بالمزرعه

2000 ارنب

الارنب راح يكلف علينا دينار

يعني راح يكلفنا على شان نشتري 2000ارنب 2000دينار

الارنب الوحده تولد من 6 الى 8 ارانب تقريبا لمدة 8 شهور بالسنه يعني تقريبا مدار السنه شغاله

الالفين ارنب اللي اشتريناهم نقول ولد منهم الف وميتين ارنب صار اجمالي الارانب 3200 ارنب خلال شهر واحد

نخليهم لمدة اربع شهور يتكاثرون على راحتهم خلال الاربع شهور نفس الحسبه اللي طافت يوصل العدد 12800 ارنب خلال اربع شهور ثانيه غير اللي راحوا يصير العدد 51200 ارنب خلال سنه من بداية المشروع لو بنبيعهم كلهم على دينارين

=

25600 دينار

امانه مو احسن من المشاغل النسائيه ؟

اللي هابين فيهم هاليومين بكل بيت مشغل نسائي؟

انا انصح اي انسه تفكر تسوي مشغل بسرداب بيتها بدال ما تحط فيه مشغل واخر شي مسفره الخياطين تحط بالسرداب ارانب

نـــور

مسلسل تركي يعرض على قناة ام بي سي واصبح هذا المسلسل كالقمبله المدويه التي فجرة االشاشات العربيه واسر هذا المسلسل قلوب الفتيات المراهقات والمطلقات والعوانس ولاكن السر ليس بالمسلسل بل (بمهند الشاب المعقد) اللي ابتلاه رب العالمين انه يحب حمارة القايله

ومن بعد هالمسلسل قام سوق الحلاقين الاتراك بالكويت ودول الخليج العربي

عـــنز الفريـــج ما تحــب الا التيــس الغريـــب

المعتــوه

السلام عليكم ورحمة الله وبركاته

شلونكم شخباركم انشا الله بخير؟

هاه شلونكم مع التلفزيونات هاليومين قمته

قبل امس وانا اتجول عبر قنوات الستالايت ولا قناة سكوب سنتر مادري شنو اللي خلاني اثبت على هالقناه

شوي ولا مقابله مع المعتوه خليفه الخرافي

بصراحه انا قبل على بالي انه تكانه بس مطبق نظرية خالف تعرف

وانا اتابع هالبرنامج طبعا على طول يا سرياني (خدامتنا )ضبطيلي قهوه تركيه

وتضبطلي هذاك الفنجال اللي اذا خلص تحلس الفنجال عقبه

واقعد اتابع (الارقوز) خليفه الخرافي

اول مابلشوا تكانه يوم طافت خمس دقايق جان يبطش بالمذيع الفضلي انته بدون الفضلي لا والله انا كويتي

الخرافي لا يبا انت بدون

الفضلي لا والله كويتي

الخرافي لايبا انت بدون ادري عنك انا

الفضلي وراس امي وابوي يعلي اموت الحين اني كويتي مو بدون

الخرافي ياخي مادري منو قالي انك بدون تصدق

الفضلي لالا انا كويتي

طووووووووفناها

طبعا انا ميت ضحك

شوي جان يغير الموجه

الفضلي شرايك بمسلم البراك

خليفه الخرافي جذااااااب جمباااااااازي كلكجييييييي هذاااا

الفضلي لالا يا خليفه ترى راح اتحاسب على كلامك

الخرافي انا قوي وما اخاف حتى اللمس عضلاتي انا ما اخاف الا من اللي خلقني

كلام جميل

شوي جان يطب بالمواطنين شنو كل من هب ودب قام يسافر شكوووووووووووو؟

خمس دقايق جان يرد على مسلم البراك هذا جذااب كلكجي كله يصاارخ وماعنده ماعند جدتي منيره

الفضلي ترى راح اتحاسب على كلامك يا الخرافي

خليفه الخرافي لا اهو زين انا ما قلت شي اهو زين ماشي شغله شغله اللي يسويه عدل لانه شايف وزراء خربوطه

(ياويلنا من اسلوبك وبتسنع الديره يابو خربوطه )

شوي جان يطق اشاره ويلف على العلاج بالخارج

شنو هذوول كل يوم واحد طايح مريض ومسافر

شكوووووووووووووو؟؟؟ المريض الله ابتلاه شنو يسوي

كل من هب ودب سافر علاج بالخارج

ليش حلال عليك وحرام على غيرك العلاج بالخارج الدوله مسويه لجنة العلاج بالخارج فيها دكاتره كل واحد راسه اكبر من راسك عشر مرات
يفحصون المريض تسعين مره يالله يسفرونه ويمكن يلحق يتعالج ويمكن يفنقش قبل لا يخلص الفحص والاجراءات
يعني احمد ربك على العافيه حطوا دكاتره تفهم مو دكاتره خربوطه على قولتك على شان محد يسافر

شووي جان يلف على جاسم الخرافي مادعمني يوم الانتخابات دعم الناس كلهم الا انا مادعمني
(بلاه والله يدري انك معتوه )


تخيلوا معاي لو هالنوعيه تدخل المجلس شنو راح يكون مصير المواطن ؟؟؟؟

اتــرك الجــواب لكــم

استـمطــار

كشف المركز الوطني للأرصاد الجوية والزلازل، عزمه إجراء عمليات استمطار خلال الصيف في دبي وصرح المدير التنفيذي للمركز عبدالله المندوس بأنه سيتم استخدام شبكة حديثة لتحديد السحب الركامية، تتكون من ستة رادارات، خمسة منها ثابتة وواحد متحرك، مضيفاً أن الرادارات تتوزع على مطار دبي والظفرة والعين وجزيرتي دلما ومزيرعة لتغطية المنطقة الجنوبية الغربية

وتابع: «أدخلنا الى الخدمة طائرتين مجهزتين بتقنيات حديثة لتلقيح السحب واستمطارها «متوقعاً أن ينجم عن ذلك أمطار غزيرة، وتساقط حبات برد

وحول سبب اللجوء الى عمليات الاستمطار في فترات الصيف، قال المندوس إن سبب ذلك هو تزايد فرص تكوّن السحب بفضل زيادة حجم

بخار الماء المحمل بالهواء، فضلاً عن وقوع الدولة تحت سيطرة امتداد المنخفض الموسمي الذي يدفع رياحاً جنوبية شرقية رطبة حاره مع اضافة تقنيات تبريديه وكان المركز أجرى ثلاث عمليات استمطار للسحب الركامية خلال الشهر الجاري، نتج عنها هطول أمطار خفيفة ومتوسطة على مناطق متفرقة في البلاد. تمت العملية الأولى على بعد 40 كيلومتراً من البحر، امتداداً من أبوظبي الى دبي. والثانية في منطقتي السلع والغويفات والثالثة في منطقتي أبو الأبيض ودلما. ووفقاً للمندوس،

والله شغل عدل يا الامارات يعني صيفكم في بلدكم احلى

ولا ربعنا مالهم خلق حق هالسوالف شاطرين بس بدفع الملايين لفلان وعلان

خمسين دينار طلعوا روحنا على ما اقروها وانحل المجلس بسببها

بس شاطرين اي واحد يزور الكويت مفلس يطلع منها مليان

الفلوس اللي تعطونها فلان وعلان نموا البلد فيها

وين المشاريع ؟

وين المستشفيات ؟

وين المدارس؟

وين دعم السلع؟

من سنة 1985 الى الان في مكانك راوح

الدول الثانيه تفكر بالتنميه واحنا نفكر بتنمية غيرنا

لوين رايحين

لعبت فيني فيروز انا بصراحه انا اذا بنحرف بنحرف بسبب فيروز

سألتك حبيبي لوين رايحين خلّينا خلّينا وتسبقنا سنين إذا كنّا ع طول .. التقينا ع طول ليش بنتلفّت خايفين

أنا كلّ ما بشوفك ... كأنّي بشوفك لأول مرة حبيبي أنا كل ما تودّعنا... كأنّا تودّعنا لآخر مرة حبيبي

قلي احكيلي نحنا مين وليش بنتلفّت خايفين ومن مين خايفين

مـــــــــــــــــــــــن ميــــــــــــــــــــــــــــــــــــن

موعدنا بكرى وشو تأخر بكرى قولك مش جاي حبيبي

عم بشوفك بالساعة... بتكّات الساعة من المدى جايي حبيبي

ويادنيي شتّي يا سمين عللي تلا قوا ومش عارفين ومن مين خايفين

كليفلاد 2

السلام عليكم ورحمة الله وبركاته

شلونكم شخباركم ان شاء الله تمام

شلونكم مع هالحر ؟

مو ناقصنا الا كل واحد يطلعله عكره ويصير ضب

عكره = ذيل الضب.. الضب زاحف صحراوي نفس التمساح

المهم ما علينا

اليوم بينما اتجول عبر صفحات الانترنت والمدونات

لاحظت الكساد الانترنتي الحاصل والخمول في كثير من البلوقات

وضياع الحروف في سكيك المدونات

ضاعت حروفي

ولاكن حمدلله سرعان ما وجدتها

بسم الله نبدأ

يوم كملنا طريجنا متجهين الى كليفلاد واحنا على دبايه عريضه

دبايه = طريق رملي

ولا هالحيوانات البريه والاسود والنمور والغزلان والحياه السعيده

قلت حق السايق اندرسن ستوب ستوب بصور

المهم وقف اندرسون

وقعدت اتمشى بالغابه

ولا اسد قاعد وياه ثنعش لبوه طاق الزقاره ولبوه على يمينه ولبوه على يساره وياهم مهااف ويهفون عليه

وعشر لبوات يرقصون وخمس ماسكين ايقاعات ويغنون

والاسد ماخذ وضعه طبعا يطالع فينا ويبتسم

جان يقولي يا بو خشم

قلتله عفوا الاسد تحاجيني؟

قال ايه احاجيك

قلت نعم شتبي ؟

قالي شهالاسلوب شنو شتبي ؟

قلتله مو عاجبك اسلوبي ؟؟

قال لا مو عاجبني

قلتله مشكلتك

جان تنط لبوه وتقول حق الاسد معلش ياباشا ده اصلوو واد صغيّر مبيعرفش يتكلم

قلت هي انتي شنو مابيعرفش يتكلم انا بشاطئ الهموم طايحله سوالف ويا سمك القرش صميدع لي الصبح

جايه انتي الحين تقولينلي مابيعرفش يتكلم ياباشا

المهم جان الاسد يخز اللبوه ويقولها لما الرياييل يتكلمون الحريم يسكتون اوكي ؟؟

جان تقوله اللبوه بس خلاص هوا كل يوم كده خلاص متزعئليش أودامهم

جان يقولها الاسد اخرسي يا فقّره انتي طالئ بالتلاته

جان تقوله اللبوه واهي معصبه معلششششششششش يابو سريع ان مابهدلتك اؤدام الحته كلها

شوي ولا اسد ثاني جاي يركض

لابس جلابيه جان يقول حق الاسد الاولي قرا ايه ياسيد الناس دي وليّه مابتعرفشي مصلحتهيّ

المهم اللبوه للحين زعلانه ومعصبه جان تقول حق ابو سريع ان ماولعت بالمزرعه وبوصتلك الفدان بتاعك مكونش بت الجبالي

قالها امشي ياهبله يا بت الاهبل وطردها

جان يطالع فيني الاسد ويقولي استانست الحين خربت مزاجي وبعصت جوي فرحان؟

قلتله والله ماكان قصدي

مايمديني اخلص كلمتي ولا الاسد جايني يركض وفاتح حلجه

ردت فعلي كانت طبيعيه جدا

دخلت ايدي بحلج الاسد ومسكت ذيله وطلعت ذيله من حلجه

يعني قلبته خليت الاسد من داخل شعر ومن برى لحم

ولا صوووووووووت قووووووي وراااااااي يوم التفت

ولا اكلين لحووم البشر متسلحين.. اللي ماسك رمح واللي ماسك سهم واللي ماسك خيزرانه

على طول امسكوني وكبلوني انا ويا اللي معاي

اندرسن اول ماشافهم شغل السياره ونحاش

مسكوني انا ويا ربعي 2

ودونا قريتهم

ولا زعيمهم حاط رجل على رجل وريش ديج رومي على راسه

ويضحك ويقول حق ربعه كفووووو يا عياااااال جبتوو عشاااناا؟

جان يقوولون اييه جبنااه ياطويل العمر

قال اجل قصصو الخضره وكثر الباميه والقرع

قالوا ابشر طال عمرك تامر امر

المهم ويجيبون صحن ابو كرسي نفس صحن كفار قريش

ويغسلون الصحن جدامنا ويقصصون البطاط والقرع والماي يطبخ واحنا رابطينا على الشجر

حتى كان في ولد صغير يشبه ولد بلال الشامي نحيييييييييييييس يشيل خنافس ويقطها علينا يبي يخرعنا

شوي جان اصواات نااس تصررررخ واهل القريه تغيرت اشكالهم

ولد بلال الشامي على طول صعد فوق الشجره واندس

وانا على نياتي اقوله بس يا صبي بس انزل لا تطيح مايفهم كلامي

شوووي ولا تمسااااح طوله اذا ماخاب ضني 25 متر دينصور دينصور

جان اقول حق زعيم القبيله فكني

قال زعيم القبيله جببببببببببب اقولك خلك ساكت انت لسانك طويل نبي نوكلك التمساح على شان يشبع ويروح ماياكل احد من القبيله

قلتله يرحم والديك انا يتيم جاي اهني سياحه ورااي عجووز بالكويت تنطرني

قااااااااااااااال واهوو معصب ليييييييييييييييش مخليييييييها بروووووحهاا بالكوووووووويت

قلتله مو احسن ما اجيبها وتاكلها انت وراسك اللي جنه راس شيشه

المهم طنش فيني زعيم القبيله وقعدت انا اترجا ولد بلال الشامي تكفى فكني يرحم والديك مايرد علي

m&m جان اطلعله من مخباتي حلاو شاريه من المطار قبل لا اسافر صارله 4 ايام بمخباتي

المهم على طول الكويحه جنه شمبانزي نط من الشجره وعض الحبل وحررنا

قلت حق الربع يا شباب الحين فرصنا يا نذبح القبيله كلها يا نذبح التمساح اختاروا بسرعه

قالوا نذبح التمسااااااااح

قلت لا نذبح القبيله

ههههههههههههههههههههههههههههههههههههههههههههههههههه

لا اقص عليكم قلت خلاص نذبح التمساح

المهم جان اركض اركض اركض والتمساح يطالع فيني جان اوقف جدامه واقوله لو سمحت يا التمساح تعرف سمك القرش اللي بشاطئ الهموم ؟؟؟

قالي لا ماعرفه

قلت عيل ليش واقف ليش ما تاكلني ؟

جان يفتح حلجه واشوف شي غريب تحت لسانه يوم دققت

ولا اهنييييييييييييييييييييييييي المفاجأه

ولا اندرسن الملعون يوم انحاش لبس مجسم تمساح ورجع ويبي يخرعهم

جان انا استغل الفرصه واسكر حلج التمساح واربطه قلت حق الربع شوتوه شوتوه ويقعدون يشوتونه

جان امسك ذيل التمساااح وارووح فيه فوق شجره واربط ذيله وخليت راسه تحت وانادي زعيم القبيله

المهم انصدم يوم شافني مسوي جذي

جان يقولي يا تعاااااااااااليل

قلتله نعم يا زعيم

قال انت دافعت عن القرييييييييه ويردون ورااه اهل القريه اييييييي والله اي والله

ودافعت عن الحرييييييم اي والله اي والله

تمنى يا تعاليل

قلت اتمنى لك طول العمر يا زعيم

قال بل تمنى يا تعاليل

قلت اتمنى انك تفك التمساح

قال طلبك مجاب يا تعاليل بس بشرط

قلت شنو قال تكسر اسنان التمساح

قلت اكسر راسه لو تبون

المهم وابطل اسنان التمساح وامسك راس اندرسن واكسر اسنانه وادخل راسه تحت لسان التمساح واسكر حلج التمساح واقول حق الزعيم

هذي اسنانه يا زعيم جان ياخذ الاسنان ويعطيهم بنته بنته على طول اخذت الاسنان وقضتهم وخلت فيهم حبل وسوت قلب

قال هذا هديه من اهل القريه لك على شان ما تنسانا

قلت اشكركم وماقصرتوا وبيض الله وجيهكم قالوا الحين شنو تبين تسوي؟

قلت ابي اروح قالوا اوكي ويروحون يجيبولنا فيل ويقولونلي اركب واركب على الفيل ويركبون معاي ويغنون

تعاليل يا حاميها طشر اعاديها

وشكرا على حسن القراءه تحيــــــــاتي