السلام عليكم ورحمة الله وبركاته
شلونكم شخباركم انشا الله بخير؟
هاه شلونكم مع التلفزيونات هاليومين قمته
قبل امس وانا اتجول عبر قنوات الستالايت ولا قناة سكوب سنتر مادري شنو اللي خلاني اثبت على هالقناه
شوي ولا مقابله مع المعتوه خليفه الخرافي
بصراحه انا قبل على بالي انه تكانه بس مطبق نظرية خالف تعرف
وانا اتابع هالبرنامج طبعا على طول يا سرياني (خدامتنا )ضبطيلي قهوه تركيه
وتضبطلي هذاك الفنجال اللي اذا خلص تحلس الفنجال عقبه
واقعد اتابع (الارقوز) خليفه الخرافي
اول مابلشوا تكانه يوم طافت خمس دقايق جان يبطش بالمذيع الفضلي انته بدون الفضلي لا والله انا كويتي
الخرافي لا يبا انت بدون
الفضلي لا والله كويتي
الخرافي لايبا انت بدون ادري عنك انا
الفضلي وراس امي وابوي يعلي اموت الحين اني كويتي مو بدون
الخرافي ياخي مادري منو قالي انك بدون تصدق
الفضلي لالا انا كويتي
طووووووووفناها
طبعا انا ميت ضحك
شوي جان يغير الموجه
الفضلي شرايك بمسلم البراك
خليفه الخرافي جذااااااب جمباااااااازي كلكجييييييي هذاااا
الفضلي لالا يا خليفه ترى راح اتحاسب على كلامك
الخرافي انا قوي وما اخاف حتى اللمس عضلاتي انا ما اخاف الا من اللي خلقني
كلام جميل
شوي جان يطب بالمواطنين شنو كل من هب ودب قام يسافر شكوووووووووووو؟
خمس دقايق جان يرد على مسلم البراك هذا جذااب كلكجي كله يصاارخ وماعنده ماعند جدتي منيره
الفضلي ترى راح اتحاسب على كلامك يا الخرافي
خليفه الخرافي لا اهو زين انا ما قلت شي اهو زين ماشي شغله شغله اللي يسويه عدل لانه شايف وزراء خربوطه
(ياويلنا من اسلوبك وبتسنع الديره يابو خربوطه )
شوي جان يطق اشاره ويلف على العلاج بالخارج
شنو هذوول كل يوم واحد طايح مريض ومسافر
شكوووووووووووووو؟؟؟ المريض الله ابتلاه شنو يسوي
كل من هب ودب سافر علاج بالخارج
ليش حلال عليك وحرام على غيرك العلاج بالخارج الدوله مسويه لجنة العلاج بالخارج فيها دكاتره كل واحد راسه اكبر من راسك عشر مرات
يفحصون المريض تسعين مره يالله يسفرونه ويمكن يلحق يتعالج ويمكن يفنقش قبل لا يخلص الفحص والاجراءات
يعني احمد ربك على العافيه حطوا دكاتره تفهم مو دكاتره خربوطه على قولتك على شان محد يسافر
شووي جان يلف على جاسم الخرافي مادعمني يوم الانتخابات دعم الناس كلهم الا انا مادعمني
(بلاه والله يدري انك معتوه )
تخيلوا معاي لو هالنوعيه تدخل المجلس شنو راح يكون مصير المواطن ؟؟؟؟
اتــرك الجــواب لكــم
2 comments:
ههههههههههههههههههه
من صج جذي يتكلم
اذا صج الشرهه على اللي معتبره
ضيف و مستضيفه بس اعتقد يمصخرونه
مو اكثر
الحمدلله على العقل
و لو يدش المجلس بيزيد الطين بله
الحين حرام نسميه مجلس لدش هذا
بنسميه سيرك :(
لا بس عجيب اذا دش المجلس وحطوا تصويت على قانون يسألونه خليفه الخرافي موافقك ولا غير موافق يقول لا غير
موافق شهالقانون
(الخربوطه)
ههههههههههههه
Post a Comment