في الصيف الماضي عندما انتابني شعور في التغير عن الدول العربيه او الاوروبيه الاعتياديه
قررت ان اسافر الى امريكا وبالتحديد منطقة كليفلاد
تتكون كليفلاند من خليط من الأعراق والاجناس
تقع المدينة على خط 41 درجة و28.56 دقيقة شمالا، و81 درجة و40.11 دقيقة غربا
والان تبدا القصه
عندما ذهبت انا واصدقائي واهم اثنان وانا الثالث
كانت رحلتنا الى اوهايو
وعندما وصلنا الى اوهايو واستقرينا فيها قرابة ثلاثة ايام
قررنا الرحيل الى رحلة سفاري وهي عباره عن رحله في سياره رباعيه تنقلنا الى منطقة كليفلاد عبر طريق صحراوي طبعا تبعد المسافه من اوهايو الى كليفلاد تقريبا 700 كيلو
فأعددنا انفسنا الى السفر وربطنا اقراضنا وجاينا وقهوتنا ومشينا
المهم واحنا بالطريج معانا سايق امريكي اسمه انديرسون
انا راكب جمبه واهو يسوق
و الربع اثنين ورى
طبعا انا ماخذ مقلب اني في ربوع بلادي ومشغل شريط ربابه
وحاط مطارة القهوه و الجاي عندي واتقهوه بالسياره
طبعا الطريق طويل
وبينما انا اتقهوه جازت حق انديرسون ريحة القهوه
جان يقولي وتس ذس
قلتله ذس از اربك كفي ديو لايك اربك كفي؟؟؟
قال يس اي ونت ون فنجال
المهم صبيتله فنجال
جان يقولي تشييييييرز جان يمدلي فنجاله واطق فنجالي بفنجاله
حيااه سعيده
المهم يوم قطعنا تقريبا 300 كيلو
جان يخلص بانزين سيارتنا
واحنا بمنطقه معزوله الحين شنو نسوي؟
والربع تخرعوا هاه الحل شنو شراح نسوي
احنا بمنطقه معزوله ومادري شنو
هذي الصوره قالولي الشباب اللي معاي صورنا صورنا
يمكن نموت اهني على الاقل يلقولنا صوره
صورتهم الصوره هذي
واهم قاعدين يتحلطموون
قلت يا جماعه خلونا ننزل اقراضنا ونشب نار ونسوي جاينا وقهوتنا ونتقهوه
على شان نعرف نفكر شنو نسوي
وبينما نحن نتقهوه ونأكل قليلاً من التمر الحساوي اللذيذ
واذا بصوت طائره بعيده
فخطرة في بالي فكره
فأسرعت وقلت حق انديرسون عندك نباطه؟
قالي وت؟
قلت نباطه نباطه وأشرله بيدي واقوله نباطه
عرف اني ابي سير مطاطي
المهم راح يحسحس بالسياره وجابلي سيور مطاطيه
فأسرعت الى الاشجار وكسرت غصن شجره مثلث وربطته بالسيور المطاطيه وقطعة جلد وصنعت نباطه جيده
ورجعت مره ثاني وجلست لكي احتسي فنجالاً من القهوه العربيه
فأذا بالطياره تمر من فوقنا
جان بسرعه اكل تمره وطلع الفصمه اللي فيها واحطها بنباطه وانبط على الطياره جان ينشق خزان البانزين مال الطياره
واخذ وياي وعااء معدني واركض تحت الطياره لين عبيت الوعاء المعدني بانزين
الحين انا خفت على الطيار
وانا اهم ما علي سلامة الطياار
لاتطيح فيه الطياره ويصير فيه شي
مسكين يتعور ما تسوى عليه
جان اخذ تمره واحطها بالنباطه وانبط مكان الفتحه اللي شقيتهاا ولزقت التمره وتسكرت الفتحه
طبعا اندريسون انصدم قاعد يخزني
المهم مالكم بالطويله جان نعبي سيارتنا بانزين ونكمل طريقنا
(ولا اقولكم نكمل بالجزء الثاني)
4 comments:
ههههههههههههههه
ما شاء الله خوش رحله و اكتشفت
من خلالها انك منقاش الكويتي لوووول
بنتظار الجزء الثاني احساسي انك
بتصلخ نمور و تسوي منهم بيوت شعر
لووووووول
تسلم تعاليل :)
طرى على بالي منقاش العراقي مال ذيج السنة
=))
بانتظار بارت تو
هههههههههههههههههه
اهلين قلب طفله
منقاش طيح الهيلاكبتر ببرنوا
انا بطعامة تمره
هههههههههههههه
اهلين طالبة غريلن
الله يسامحكم
الحين انا منقاش كل هالكشخه واخر شي منقاش
منقاش ماتعدا الناصريه
انا بكليفلاد
ههههههههههههههههههههههه
لاكم اوريكم ماشي عناد اذا ما اسوي بوست بعنوان تعاليل بالعراق ما اكون منقاش
قصدي ما اكون تعاليل
ههههههههههههه
تحياتي
Post a Comment