هذه مجموعه من الاسأله الغبيه التي تمر علينا جميعا في حياتنا اليوميه أحببت ان ادونها هنا
يجي يوم من الايام وانت بغرفتك قاعد تقراء الجريده فجأه ينفتح باب الغرفه ولا اخوك يقولك هاه قاعد؟؟؟
بالله انت تشوفني نايم ؟؟
ولا تروح معزوم عند ناس ولما تجيهم تطق الباب يفتحونلك الباب وبأندهاش يقولونلك هاه جيت؟
اجاوبك شنو اقول لا والله ماجيت للحين ازدحام ؟؟؟
ولا يجي يوم من الايام انت كاشخ ومتعطر وساكب ذيج السكبه اللي مو طبيعيه وماسك مفتاح سيارتك
يجيك اخوك يقولك هاه طالع ؟
لا كاشخ على شانك انت وراسك
هذي حق زقمبي تيوزله السالفه بما انه طالب بالخارج الله يوفقه ويرده بالسلامه
قاعد تدرس وماسك الكتاب واعصاابك متوتره وحالتك صعبه ينفتح باب الغرفه ولا ابوك يقولك هاه قاعد تدرس؟
لا يبا انا بالسطح قاعد انظف المرازيم على شان المطر
داش البيت معاك اغراض جمعيه ولا واحد من اهلك هاه من وين جاي ؟؟
اجاوبك شنو اقول جاي من سوق الغنم ؟؟
قاعد تكتب بوست يديد حق المدونه فجأه اييلك رفيجك يقول هاااه قاعد تطبع
شقوله بالله لا والله قاعد انام ؟
توك قاعد من النوم تبطل باب غرفتك ولا اخوك السكني جدامك واهو مستانس يقولك هاه قمت ؟؟
تجاوبه شنو تقوله؟؟؟ روح لا اشلعك فنقر ابطل زرارات دشداشتك
هذه نبذه من الاسأله الغبيه التي نواجهها والباقي بالطريج
تحيااتي
No comments:
Post a Comment