!!!! قطــوة جارتنا

بسم الله الرحمن الرحيم

كان يما كان في وقت ماصارله مده من الزمان

انا رجل اقطن في منزل في احد المناطق الجميله بالكويت

وبجانبي جارتنا ام فهد (ام القطـاوه) هوايتها المفضله هي تربية القطط

وذات يوم خرجت من منزلي المتواضع وإذا بقطوة جارتنا البليده نايمه على عتبت بابنا

اكشها ماتوخر اقولها تت اطالع فيني وتقول مياو وتقلب على ظهرها

استفزتني حركاتها

وانا ريال دوانيتي عامره مو حلوه ايون ويلقون القطوه نايمه على الاعتبه والمشكله ان القطوه ما تتحرك يعني اذا اهي نايمه على العتبه

وانا ابي ادخل البيت لازم انط فوقها

المهم قلت انا لازم اتخلص منها بأي طريقه

وانا واقف جبال باب بيتنا ولا بأم فهد توها سافطه بسيارتها قلت ام فهد قالت هلا تعاليل شلونك

قلت والله انا تمام بس يرحم والديج فكينا من قطوتج

قالت ليش شفيها قلت يمعوده هذي كله نايمه جدام عتبت بيتنا وريايل طالعين داخلين وقطوتج ما تتحرك ترى راح اذبحها

قالت ههههههههه حرام عليك

والله جد ام فلان مايصير جذي شوفيلج حل

قالت يعني تبيني اربطها قلت ربطيها اشنقيها سوي اللي تبين تسوين فيها ولا ترى بقطع ذيلها وعلقه برقبتها مثل الكرفته

قالت خير انشا الله ودخلت بيتهم

بصراحه ام فهد ما قصرت مسكت قطوتها ثلاث ايام اختفت القطوه انا استانست

باليوم الرابع والساعه 6 ونص المغرب الربع يايين الدوانيه ولا القطوه نايمه عند باب البيت يقولونلها تت بيدخلون الديوانيه ما تتحرك

المهم نطوا فوقها ودخلو الدوانيه سلمو جان يقول واحد فيهم هاه تعاليل شالسالفه تربي قطاوه ؟؟؟

انا جنه واحد صاكني طراق

قلت يا جماعه القصه ان هذي قطوة جارتنا والمشكله ماتحب تنام الا على اعتبت بيتنا شنو اسوي فيها؟؟

قالي واحد فيهم من سكان الجهراء والله تعاليل بملحق بيتنا قطاوه بس قطاوه شوارعيه مو مثل هذي ذربه صارلهم عشرين سنه كل ما نطردهم يردون

قلت يرحم والديك ابو بدر ابي منك خدمه واللي يرحم والديك قال تفضل

قلت ابيك تصيدلي واحد من هالعتاويه وتحطه بخيشة عيش كنتري وتيبه لي

قال انشا الله بكلم اخوي الصغير يمسك وحده فيهم

ماقصر ابو بدر يومين ولا يايني بالدوانيه تقهوى وخلص جان يقولي تعاليل ترى الحاجه اللي طلبته يبتها معاي وكاهي بدبة السياره

قلت اشششششكرك جزيل الشكرر على حسن تعاونك معاي

يا راجوووووووووو <<< الصبي

قال نعم بابا قلت روح افتح السياره هذي بالدبه فيه خيشه مال عيش جيبها

قال اوووكي

المهم يابها راجو ما قصر ونطرت لما راحو الرياييل من الدوانيه جان اقط عقالي واطق الجريمبه

واقعدلها

شوي ولا يايه المحروسه تتمخطر وتنام على العتبه

واخليها شوي لما اطمأنت

جان اناديها بس بس بس بس

لين قربت يمي وتفتر على الخيشه على باالها بعطيها شي

فتحت شوي من الخيشه جان تدخل راسها اول مادخلت راسها جان افتح الخيشه

ولا المفاجأه

ولا هذااااك العتوووي اللي رااسه كبر رااس بلاال الشاامي

ميعاااااااااااااااااااااااااااااااااااااااو

قطو شوارعي صوته خشن من الشيشه والمعسل مايعرف يقول مياو بصوت هادي

جان يتعلق بذيل البرنسيسه وهي تركض والعتوي متعلق بذيلها

وهذاك يوم وهذاا يووم ماشفت القطووه

يتني ام فهد قالت تعاليل ماشفت قطوة فهودي ؟؟؟

يعني ترى القطوه مالت ولدي مو مالتي

قلت لا ماشفتها انا فاقدها اصلن من زمان ماشفتها ولهنا عليها

قالت مادري وينها طلعت قبل امس وماردت

واقوول بقلبي عسااهااا ماترجع

وتحيااااتي