هذا الموضوع ألمني كثيراً
عندما جائني احد اصدقائي وهوا موظف في مجمع المحاكم ونقل إلي هذه القصه
يقول في يوم من الايام جائتنا امرأه عمرها لا يتجاوز 25
في وجهها اثار ضرب مبرح
تريد ان تطلب خلع زوجها الاهبل
فعندما سألها القاضي عن اسباب الخلع قالت
انه يطقها على الصغيره والكبيره
واحياناً بدون سبب
طلقني مره وقال انا خلاص ماراح اطقج وانا احبج وابيج وصدقته ورجعتله
وانصدمت بأنه مازال على حاله ورجع يطقني من جديد وجدام اليهال والخدامه
احياناً اطلع من دوامي يتصل فيني يقولي مري البقاله اشتريلي زقاير ؟؟؟
انا امرأه شلون اوقف عند البقاله واشتريله زقاير؟؟؟؟
شنو يقولون اهلي لما يدرون اني اوقف عند بقاله واشتري زقاير ؟؟؟
شنو يقوول الهندي اللي بالبقااله عني؟؟؟
واذا سويت نفسي اني ناسيه وماشريته الزقاير ارجع البيت يطقني كأنه يطق ريال
وانا خلاص كرهت نفسي واذا ما خلعتني يا حاظرة القاضي راح انتحر
ياحسافة الرجوله الي تسوي جذي بالبنت المسكينه
هل هذه هي الرجوله ؟؟
لماذا رجولتك لا تخرج الاعلى الطائر المكسور الجناح؟؟
اين الشهامه ؟؟؟
رجال يطرش مرته تشتريله زقاير؟؟؟؟
شي عجيب والله العظيم
الضاهر الرجل هذا بالدوانيه مثل الفار لايهش ولا ينش
ويبي يثبت رجولته على هالمسكينه
يا أخي اذا انت مريض نفسي روح عالج لا توهق بنات خلق الله معاك
ياخي اذا انت فيك فري روح اصبخ راسك
ذكرتني هذه القصه بهذه القصيده
ضربتها وانا احسب الضرب نوماس = طلقتها يوم افخت العقل مني
ياناس كيف العين تبكي على ناس=وكيف العيون بلا رمد يسهرني
لو ينشكي حبي على ذيب الاخماس= يسرح مع الطليان مايجفلني
ولو ينشكي حبي على طير قرناس=اضحى الضحى بمويكره مستكني
ولو ينشكي حبي على قب الافراس= عين نهار الكون لايفزعني
القصيده اطول من ذالك
طق البنت وطلقها وتحسف
يا اخوان الحياه الزوجيه حلوه
بس تبي ناس يفهمونها
انا عزوبي ماراح اتفلسف عن الحياه الزوجيه اكتفي بهذه القدر من معلوماتي عن الحياه الزوجيه بأنها أجمل واعذب حياه بس حق منو؟؟؟؟؟
حق اللي يفهمها
والبنت ورده اذا طولت وانت خانقها راح تذبل
فا أرحموها ياذوي القلوب الخشبيه
1 comment:
القصة مؤلمة
للأسف مايستحق كلمة رجل
لأن الرجولة سند وحماية ورعاية
Post a Comment