شاطئ الهمووم

ليلة البارحه

عندما تكدست الهموم في قلبي فلم اجد احداً اشتكي له همي لكي اخفف من العبء الثقيل الذي احمله في قلبي

فانطلقت الى احد الشواطيء

في فلم الحب في الزنزانه للممثل عادل ايمام عندما خرج من السجن

و تكدست همومه

ذهب والقاها في نهر النيل

وبما ان دولتنا الحبيبه الكويت ليس بها نهر توجهت الى البحر

استلقيت على شاطئ البحر وتأملت بالنجوم وصوت طشطشة الماء تداعب مسامعي

وفي قلبي صوت يصرخ ااااه وامنين ابتدي يا جرح الندي

فشعرت في قشعريره في جسمي

فقلت في نفسي لما لا اطلق قدمي من سجن الحذاء واتركها تتمتع في رمل الشاطئ الناعم

لعلي انشغل في الرمل بين اصابع اقدامي وانسى همومي

ففعلت

وتأخر الوقت وانا اتمشى على الشاطئ ولم يخف حملي الثقيل

فقررت ان ألقي الهموم الى البحر واتخلص منها

وهنا كانت المفاجأه

عندما القيتهاا واذا بشيئ يطفوا في البحر فتقدمت لأرا هذا الشيئ

ولا هذاااك سمك القرش اللي زعنفتره كبر المظله الخام اللي عند النادي العلمي

جان يقوولي هي هي يابو الشباااب

قلت عفوا سمك القرش تحاجيني؟

قال ايه احاجيك في احد بهالليل واقف عالبحر غييرك؟؟

قلت لا والله مافي بس انا بروحي

قال يامعود احنا ناقصين هموم جاي تقط همومك علينا يمعود السمج تحت قاعد يبجي

السمج مو راضي ينام ويدتي العيوز مريضه تونا يايبينهاا من المستشفى تعبانه تبي تنام

قلت ماتشوف شر انشا الله

قال الشر مايجيك بس اكلمك جد يعني ترى دوختنا

قلت يمعود انا اسف

قال لا جد جد ترى دوختنا

يعني انت ماجيت البحر الا هالحزه؟

قلت يا سمك القرش انا كله بالبر مادري عنكم متى تسكرون

قال اخوي لا تكثر حجي شيل بقشة همومك وروح بسط فيها بسوق المباركيه

قلت تعرف المباركيه ؟

قال ايه اعرفه شلون ما اعرفه فيه اهوازي هناك يبيع سمج اسمه غلوم هذا كل يوم خميس يدش البحر واعطيه المقسوم

قلت شنو المقسوم يا سمك القرش؟

قال المقسوم هذا طال عمرك تحت بالبحر عندنا دوريات ومباحث ومحكمه وكل شي

قلت حلوو

قال المقسوم اهو السمج اللي حاكمين عليه اعدام نحطه مع بعض ونعطيه الاهوازي غلوم

وغلوم اهو ينفذ حكم الاعدام فيهم

قلت اهاا يعني السمج اللي ناكله هذا كله حاكمين عليه بالاعدام انتو تحت

قال ايه نعم

قلت انزين يا سمك القرش شنو سالفة الميد اشوفه بالصيف يكثر ؟؟؟

قال الميد هذول طال عمرك يا تعاليل اللي مسجونين بالاحداث ماكو مكان الاحداث ما تشيلهم فا نعطيهم اغلوم

قلت انزين شمعنى بالصيف بالذات ؟؟؟

قال لان بالصيف معطلين المدارس فاتكثر مشاكلهم اللي ذابحله زوريه ولا ثنعش ميده مسوين مخيم وخاطفين اربع زوريات محاولة هتك عرض يعني تكثر مشاكلهم بالصيف

قلت اهااا انزين والزبيدي؟

جان القرش يحط ايده على راسه

قلت شفيك يا سمك القرش؟

قال يمعود الزبيدي هذول عصااباات نفس البنغلاديشيه

واحنا مبتلشين فيهم

بس الحين لا تكثر حجي يا تعاليل وشيل همومك وفكني من شرك بروح واصلني بلاغ عن هامور ذابح ثنعش ربيانه طاقين اخوه الصغير

قلت يا الله ما تشوف شر وسلم على يدتك وقولها تعاليل يقولج اجر وعافيه انشا الله

قال الشر ماييك يا الله بيبااي

قلت بيبااي

وبجذي انتهت قصتي في شاطئ الهموم

وانتظروا شاطئ الهموم الجزء الثاني