عندما مرت الايام وصارعتني الهموم مره اخرى
ركبت سيارتي وشغلت شريط عبدالمجيد..غريب غريب مثلك علي يقسى..
وانا مادري عن نفسي
فجأه لقيت نفسي بشاطئ الهموم
وقفت والعين ماكفت عبايرها
وعند سقوط دمعتي بالماء ولا هذاك الصوت القوي
شوي ولا يطمر بويهي سمك القرش صابحنا اللي بالجزء الاول
جان يقولي ياليييييييييييييييل مااااااااطولك
ياخي ممكن اسئلك سؤال؟
قلت تفضل يا سمك القرش
قال انت ليش ما تسري سواريك الا بعد الساعه 2 بالليل ؟؟؟
قلت والله يا سمك القرش شقولك نفسيتي تعبانه تعورني
قال نفسيتك تعبانه ؟؟
قلت اي نعم نفسيتي تعبانه تعورني
قال افا والله وانا صميدع
قلت منو صميدع؟
قال انا صميدع عندك مانع ؟؟
قلت لايبا ماعندي مانع ولا شي بالعكس عاشت الاسامي
قال عاشت ايامك
المهم تعاليل بما ان نفسيتك تعبانه تعال انزل وياي البحر نركب انا وياك على الدوريه
انا زامي زام ليل نقعد نفتر انا وياك لما ينتهي دوامي
قلت اوكي شورك وهداية الله
ركبت وياه بالدورية الدوريه طبعا حصان بحر
هههههههههههههههههههههههههه
ودخلنا
ولا الحياه السعيده تحت
واحنا نمشي ولا صوت بنت تصرررررخ
يييييييييماااااااا لحقوووني
واااااااااااااااي مااااقدررر ابييي اميي ابيي ابووي ابييي اي واحد ينقذنييي
يوم قربنا من الصوووووووت
اهني المفاجأه
ولا هذييييج حورية البحر اللي من كشختها الناس حبتهاا
هاه هاه عسى ماشر عسى ماشر
جان يقول صميدع عزززز الله عاااده
قلت صميدع رجاءنأكرمنا بسكوتك خلنا نشوف المدام شفيها
يوم طالعنا عدل ولا راسها مسكينه لازق بين طابوقتين
قال صميدع شنو مطلعج من بيتكم هالحزه ؟؟
قالت والله يا حظرة الشرطي عرس بنت خالتي اليوم وتوني طلعت من العرس مستعجله
وقطيت بتوين بين الطابوقتين ونشب راسي
جان اتدخل انا لان الحوريه مزيونه وصميدع مو كفوا يكلم وحده جذي مزيونه ودلوعه
جنها حليمه بولند
قلت مبروكين مبروكين انشا الله
قالت وانت فاضي مبروكين مبروكين ماتشوف راسي شلون ناشب
قلت اي والله صح نسيت
يا الله يا الله الحين نطلع راسج
قلت شوفي انا بسحب ذيلج وانتي حركي راسج قالت اوكي
وانا اسحب ذيلها واهي تحرك راسها
ماكو فايده
وصميدع طاق الزقاره ويطالع فيني ويضحك
جان يقولي يابو الشباب انت هي هي.. الحين راسها ناشب انت شكو تسحب ذيلها؟
تبيني احذفك بالنظاره الحين بقضية تحرش؟؟؟
قلت لا يمعود فكني انا بروحه اللي فيني كافيني
ولا الحوريه تصررررررخ هيييييييييي شفييكم قطيعه نسيتوني راسي راسي يعوووورني
قلت اي والله المسكينه نسيناها
الحل شنو الحين ؟
قال صميدع يبا تدري شلون لحظه خلني اتصل على ولد عمي سمك القرش ابو مطرقه
قلت اوكي اتصل عليه المهم اتصل وعطاه العنوان ووصل
ولا ابو الشباب مطييييييينهااا يوم خميييييس ومعطيها ريييحه خايس شارب ريحه خايس لين البحر قلبت ريحته
جان يقوله صميدع سكران يا الملعوووووووون ا؟
المهم ابو مطرقه طنش بصميدع عطاه سكب وراح للحوريه هلا بالزين هلا بالزين
شفيهم الحلوين داعمين؟
قالت ياخي مافيني شي بس وخر عني
قال صدقيني يا حورية البحر ماراح يفكج من المأزق اللي انتي فيه غييري
ولا على مرة خمسة شباب من الشناكل لابسين قحافي وفنايل علاق وسراويل مكسره
ويقولولنا هاه شباب تبون مساعده تبون شي؟
جان يقولهم صميدع لوسمحتوا شباب وخروا مانبي تجمعات اهني
وراحوا مساكين
جان اقول حق ابو مطرقه يابو خشم شلون الحين بتساعد لبنيه ولا شلون ؟
جان يجيني طاير على بالي بيدعمني جان يوخر عني ويتجه حق الحوريه الحوريه صرخت
وااااااااااااي يماااااااا
جان اروح انا بسسسسسرعه واسحب ذيل الحوريه ولا ابو مطرقه يدعم الطابوقه
وطلعت الحوريه
طبعا الحوريه الحين على بالها اني انا اللي انقذت حياتها من هالسكير
الحين يبي يرقعهاا صميدع مو انا شفت ولد عمه سكران
جان يقولي تعاليل انا استاذن بودي ولد عمي الطبيب لما دعم الطابوقه انكسر خشمه
قلت ما تشوف شر
المهم بسرعه بسرعه اخذ ولد عمه وراح
انا توهقت منو يطلعني الحين من البحر ؟؟؟
جان تقولي الحوريه انت منو ؟؟؟
قلت انا العاشق الولهان
قالت هههههههههه عن الغشمره منو انت
قلت انا مجموعة انسان
قالت وييييييييه شاعر بعد ؟
قلت وراااااسم
قالت شنو ؟
قلت ورساااااام
قالت انزين ممكن اشوف موهبتك وترسمني ؟
قلت افا عليج بس حاظر من العين اليمنه قبل اليسره بس ماكاو عدة ترسم اهني
قالت مومشكله الحين اضبطك
قلت يا الله ضبطيني
راحت المسكينه وتسلفت من الاخطبوط شوية حبر
ورسمتهاا
طبعا اكيد تبون تسألوني وين الرسمه؟؟؟
الرسمه اهي اللي فووق شفتوها بس لما رجهت البيت لونتها
بعد ما خلصت اللوحه
قالت تعاليل
قلت يا عيون تعاليل انتي
قالت تصدق راسي يعورني
قلت سلامت راسج يا بعد راسي انتي
عندي حبوب بندول بسيارتي على الشاطئ تبين ؟؟
قالت اي والله جان زين
قلت يا الله مشينا
واشبكت ايدها بأيدي ورحنا الشاطئ ووكلتهاا البندول وقعدنا انا وياها وسوالف خاثره
بنص السوالف جان تقول امبيه امبيه
قلت شفيج قالت تعاليل انا مادري لازم امشي الحين
قلت وين بتروحين قالت وين بروح يعني تأخرت خلاص ماقدر اخاف الوالده تدورني الحين
وتسويلي سالفه وينج من اليوم وين رحتي وتفتحلي محظر
يا الله عن اذنك بيباي جان تبوسني وترووح
ومن هذاك اليوم لي هاليوم ماشفتها الله يستر جان مو واحد من هالحداقه صايدها
ملاحظه: الرجاء من خواني الحداقه اي واحد يصيدها يعطيني خبر وله مكافئه مجزيه
تحياتي
4 comments:
هههههههههههههههههههههههههههههههههههههههههه
اخيييه بطنني هههههههههههههههه
والله بجيت من الضحك حسبي الله عليك
سهرتك كانت حلوه طافتني
تكفى طلبتك المره الجايه حط شاطئ هموم جزء ثالث بس اخذني معاك
هههههههههههههه
حياج الله سيليزيا
وهذا اللي انا كنت اتمناه
الضحكه او الابتسامه
وانا شواطئي وايد انشا الله و اتمنى ما ننحرم من تواصلج معانا
:)
هههههههههههههههههههههههههههههه
عجيــــــــــــــــب
والله ماحسيت بروحي وانا اقرا ههههههههههههه
الله يديم عليك يا تعاليل واكيد اكيد لي زيارة ثانية وثالثة واكثر
:))
طالبة غريلن
مرحبتين كبار كبار كبر التنكر على القار
حياج الله و الساعه المباركه
:))
Post a Comment